¿QUÉN SOMOS?
AFEMEDIA
AFEMEDIA, Asociación de Ferrolterra de Mediación é unha asociación sen ánimo de lucro, nacida en Ferrol, en marzo do 2.017, froito da colaboración dun grupo de profesionais especialistas en mediación, con intereses e obxectivos comúns.
AFEMEDIA créase coa pretensión de desenvolver e divulgar a mediación no ámbito da Comunidade Autónoma Galega, formando un equipo de mediadores/ as para compartir experiencias, inquietudes e sobre todo coñecementos.
O NOSO LOGO
O noso logo simboliza a choiva de ideas, do inglés brainstorming, coñecida tamén como tormenta de ideas, técnica de creatividade que foi descrita polo publicista Osborn nos anos 50 do pasado século.
Para Roger Fisher, a tormenta de ideas permite “cultivar os beneficios do pensamento creativo de todos e aproveitar as distintas perspectivas, sen correr o risco do impacto acumulativo de visións negativas ou escépticas.”
No ámbito da mediación, a técnica do a choiva de ideas consiste en facilitar un espazo creativo, para que as partes poidan achegar de maneira simultánea o maior número posible de ideas sobre a resolución dun ou varios asuntos que se expuxeron no proceso de mediación.
Ensina aos participantes a non emitir xuízos ata que se xerou un máximo de ideas, e a escoitar positivamente as propostas dos demais, evitando os comentarios negativos que poden frustrar o proceso creativo.
OS NOSOS OBXECTIVOS
Fomentar, promocionar e divulgar a mediación en todos ámbitos, protexendo e defendendo a mediación como actividade profesional.
A formación práctica e continua en mediación.
Prestar servizos de mediación. AFEMEDIA ofrece unha ampla variedade de servizos de mediación para satisfacer as necesidades do cidadán, axudándolle a atopar o mediador idóneo para o seu caso.
Colaborar cos Colexios Profesionais de ámbitos afíns e con outras entidades representativas de intereses cidadáns directamente vinculadas ao exercicio da mediación.
Desenvolver labores de mediación en situacións de conflito, levando a cabo coa Administración Pública Convenios de Colaboración ou Concertos económicos, destinando os rendementos ao cumprimento daquelas.
XUNTA DIRECTIVA
